वामपन्थी चिन्तक सोनाम साथीको निधन

११ पुष, काठमाडौं । प्रसिद्ध वामपन्थी चिन्तक सोनाम साथीको निधन भएको छ । लामो समयदेखि मृगौला रोगबाट पीडित सोनामको शुक्रबार बेलूकी निमोनियाको संक्रमणका कारण निधन भएको हो ।

निमोनिया रोगले च्यापेपछि उनलाई प्रदर्शनीमार्गस्थिति मोडेल अस्पतालमा उपचारको लागि भर्ना पनि गरिएको थियो । उपचारत रहँदा रहँदै शुक्रबार बेलुकी उनको निधन भएको पारिवारिक स्रोतले जनाएको छ ।

केही समयअघि सोनाम साथीलाई कोरोना संक्रमण पनि भएको थियो । पाटन अस्पतालमा कोरानोको लामो र गम्भीर उपचार पछि उनी निको भएका थिए ।

कम्युनिष्ट सिद्धान्तलाई बोली र आदर्शमा मात्रै हैन, व्यवहारमा नै समेत अभ्यास गरिरहेका सोनाम साथी नेपाली वामपन्थी आन्दोलनमा एक सच्चा आदर्शवादी चिन्तक एवं अगुवा मानिन्छन् ।

सोनमको निधनपछि नेपाली कम्युनिष्ट नेताहरुले चिन्ता व्यक्त गरेका छन् । सामाजिक सञ्जालमा उनीप्रति श्रद्धाञ्जली प्रकट भइरहेका छन् ।