सरकार र उखु किसानबीच वार्ता : १५ दिनभित्र भुक्तानी दिनुपर्ने बटमलाइन !

१३ पुस, काठमाडौं । माइतीघरमा दुई हप्ता दिनदेखि आन्दोलनरत उखु किसान र सरकारबीच सिंहदरबारमा वार्ता सुरु भएको छ । १५ दिनभित्र उखुको बक्यौता पाउनुपर्ने बटमलाइन राखेर वार्ता शुरु भएको हो ।

उखु किसान संघर्ष समिति सर्लाहीका संरक्षक राकेश मिश्रका अनुसार उखु किसानको रकम १५ दिनभित्र भुक्तानी दिने वातावरण बनाउने गरी वार्ता शुरु गरिएको हो ।

किसानसँग औपचारिक तथा अनौपचारिक रुपमा वार्ता भईरहेको र आज पनि त्यसैको निरन्तारता भएको उद्योग वाणिज्य तथा आपूर्ति मन्त्रालयले जनाएको छ । यद्यपी किसानले भने पहिलोपटक औपचारिक रुपमा वार्ता भएको बताएका छन् ।

सर्लाहीका किसानले विभिन्न उखु मिलका उद्योगीबाट ९० लाखभन्दा धेरै भुक्तानी पाउन बाँकी छ ।