विराट कोहलीले जिते दशककै उत्कृष्ट क्रिकेट खेलाडीको अवार्ड

१३ पुष, काठमाडौं । भारतीय क्रिकेट टिमका कप्तान विराट कोहलीले दशककै उत्कृष्ट खेलाडीको पुरस्कार पाएका छन् । आईसीसी प्लेअर अफ दि डिकेडको दशककै उत्कृष्ट खेलाडी बनेका कोहलीले एकदिवसीय उत्कृष्ट खेलाडीको अवार्ड पनि जितेका छन् ।

उनले एकैपटक दुई वटा उत्कृष्ट अवार्ड जितेका हुन् । अन्तर्राष्ट्रिय क्रिकेट काउन्सिल आईसीसीले सोमबार घोषणा गरेको अवार्डमा कोहलीले दशककै उत्कृष्ट खेलाडी प्लेअर अफ दि डिकेड र ओडीआई प्लेअर अफ दि डिकेडको अवार्ड जिते।

यस्तै अष्ट्रेलियाका स्टिभ स्मिथले दशककै उत्कृष्ट टेस्ट खेलाडी टेष्ट प्लेअर दि डिकेडको अवार्ड जिते । अफगानिस्तानका स्पिनर रासिद खानले दशककै उत्कृष्ट टी २० खेलाडी टी २० प्लेअर अफ दि डिकेडको अवार्ड जिते ।

महिलातर्फ तीनवटै अवार्ड अष्ट्रेलियाकी एलिसी पेरीले जितिन् । उनले महिलातर्फ प्लेअर अफ दि डिकेड, ओडीआई प्लेअर अफ दि डिकेड र टी २० प्लेअर अफ दि डिकेडका अवार्ड जितिन्।

भारतीय टिमका पूर्व कप्तान महेन्द्र सिंह धोनीले स्प्रिट अफ दि डिकेडको अवार्ड जिते । धोनीले ट्वेन्टी ट्वेन्टी, एकदिवसीय र च्याम्पियन्स ट्रफी जितेका कारण यो अवार्ड पाएका हुन् । यो अवार्ड गएको बर्ष विराट कोहलीले पाएका थिए ।