शीतलनिवासमा प्रधानमन्त्री ओली र राष्ट्रपति भण्डारीबीच भेटवार्ता

१३ पुष, काठमाडौं । प्रधानमन्त्री केपी शर्मा ओली र राष्ट्रपति विद्यादेवी भण्डारीबीच भेटवार्ता भएको छ । सोमबार साँझ शीतलनिवास पुगेका प्रधानमन्त्री ओलीले राष्ट्रपति भण्डारीसँग भेटवार्ता गरेका हुन् ।

नेकपा विवाद र राजनीतिक अस्थीरताबीच नेपाल भ्रमणमा आएको चिनियाँ टोलीले उच्च नेताहरुसँग भेट गरेकै बेला प्रधानमन्त्री ओलीले राष्ट्रपति भण्डारीसँग भेटवार्ता गरेका हुन् । साँझ ७ बजेर ५ मिनेटमा शीतलनिवास प्रवेश गरेका प्रधानमन्त्री ओलीले चिनियाँ भ्रमणबारे राष्ट्रपतिसँग छलफल गरेका छन् ।

भेटमा प्रधानमन्त्री ओली र राष्ट्रपति भण्डारीलाई चिनियाँ पक्षले राखेको प्रस्तावका विषयमा छलफल हुने अनुमान गरिएको छ ।