ओली बैशाखपछि पत्तासाफ हुन्छन् : प्रचण्ड

१४ पुष, काठमाडौं । नेपाल कम्युनिष्ट पार्टी नेकपाका अध्यक्ष प्रचण्डले प्रधानमन्त्री केपी शर्मा ओली वैशाखपछि पत्तासाफ हुने बताएका छन् । भृकुटीमण्डपमा आयोजित विरोध सभालाई सम्बोधन गर्दै प्रचण्डले ओली बैशाखसम्म मात्रै प्रधानमन्त्री रहने र त्यसपछि पत्तासाफ हुने बताएका हुन् ।

उनले चुनाव हुन्छ भन्ने कुरामा विश्वास नगर्न पनि आग्रह गरे । चुनाव हुनेमा प्रधानमन्त्री ओली नै विश्वस्त नभएको पनि प्रचण्डको भनाई छ । आफूहरूको पक्षमा ७० प्रतिशत केन्द्रीय सदस्य रहेको भन्दै प्रचण्डले चुनाव चिन्हमा कुनै विवाद गरिराख्नु नपर्ने बताए ।

ओलीले असंवैधानिक कदम चालेकोले जनताले संघर्षबाटै सच्याउनुपर्ने बताएका छन् । संसद विघटनविरुद्ध आफू अन्तिम समयसम्म ओलीविरुद्ध लडिरहने पनि प्रचण्डले बताएका छन् ।