ओलीको निरंकुशताविरुद्ध सडक आन्दोलन : भीम रावल

१४ पुष, कैलाली । नेपाल कम्युनिष्ट पार्टी नेकपा नेता भीम रावलले अहिलेको विरोध संविधानको रक्षाका लागि भएको बताएका छन् ।

नेकपा कैलालीले आज प्रतिनिधिसभा विघटनको विरोधमा धनगढीमा आयोजना गरेको कार्यक्रममा उनले विरोध पद वा स्वार्थका लागि नभई प्रधानमन्त्री केपी शर्मा ओलीको निरंकुशताविरुद्ध नेपालको संविधानको रक्षाका लागि भएको दावी गरेका हुन् ।

नेता रावलले दृढ अठोटका साथ अविलचित भएर अगाडि बढ्न नेता तथा कार्यकर्तालाई आग्रह गरे । उनले नेकपाको बहुमत सचिवालय, बहुमत स्थायी कमिटी रहेको जिकिर गरे ।

नेता रावलले भने, “केन्द्रीय कमिटी मात्र नभई सातै प्रदेशका अत्यधिक कार्यकर्ता र जनता पनि छन्, विश्वासका साथ अगाडि बढ्नुहोला ।”