पिप्सो तानाशाही ओलीलाई ध्वस्त पार्नुपर्छ : झलनाथ

१५ पुुष, काठमाडौं । नेकपाका वरिष्ठ नेता झलनाथ खनालले जनताको प्रधानमन्त्री केपी शर्मा ओलीलाई ध्वस्त पार्ने बताएका छन् । जनताको शक्तिलाई परिचालन गरेर ओलीको प्रतिगमनलाई पछार्नुपर्ने खनालको भनाई छ ।

बुधबार अखिल नेपाल महिला संघको अगुवा कार्यकर्ता भेलालाई सम्बोधन गर्दै खनालले ओली पिप्सो तानाशाही भएको भन्दै जनताको बलबाट ध्वस्त पार्नुपर्ने बताएका हुन् ।

विगतमा राणाशासन, राजाशासन फालेका उदाहरण रहेका भन्दै नेता खनालले जनताको शक्ति अगाडी ओलीको कुनै सीप नचल्ने समेत दाबी गरे । संसद विघटन गरेपछि नेकपा ओलीको विरुद्ध सडक आन्दोलनमा उत्रिएको छ ।