राष्ट्रघाती ओलीसँग कदापी मिल्नु हुदैन : धनराज गुरुङ

१६ पुष, काठमाडौं । नेपाली कांग्रेसका केन्द्रिय सदस्य धनराज गुरुङले राष्ट्रघाती प्रधानमन्त्री केपी शर्मा ओलीसँग मिल्न नहुने बताएका छन् ।

पुष १६ अर्थात मेलमिलाप दिवको अवसरमा सामाजिक सञ्जालमा फेसबुक स्टाट्स लेख्दै नेता गुरुङले राष्ट्र हितका लागि बीपी स्वदेश फर्किएपनि अहिले देशभित्रै भएको मेलमिलाप भाड्ने राष्ट्रघाती नेता प्रधानमन्त्री केपी शर्मा ओली भएको टिप्पणी गरेका छ्न ।

‘मेलमिलाप नीति राष्ट्र हितका लागि हो। लोकतन्त्रको जगमा उभिएर राष्ट्र हितका लागि हामी राष्ट्रवादीहरु एक ठाउँमा उभिनै पर्छ’ गुरुङले अगाडी लेखेका छन्, ‘तर व्यक्तिगत स्वार्थका लागि लोकतन्त्र विरोधी, राष्ट्रघातीहरुसँग कदापि मिल्नु हुँदैन।’

तत्कालिन राजा महेन्द्रले पञ्चायती व्यवस्था लादेका बेला भारतमा रहेका बीपी कोइराला राष्ट्रिय मेलमिलाप नीति लिएर स्वदेश फर्किएका थिए । पुष १६ गते उनी स्वदेश फर्किएको दिनलाई राष्ट्रिय मेलमिलाप दिवस भनेर मनाउने गरिन्छ ।