शिवालाई राष्ट्रिय महिला अधिकार मञ्च दमकको सहयोग

१६ पुष, झापा । राष्ट्रिय महिला अधिकार मञ्च दमक नगर समितिले आर्थिक अवस्था अत्यन्तै कमजोर भएकी रुपा शिवालाई सहयोग गरेको छ । बिरामीले असाध्यै नराम्रोसँग थलिएकी मधुमल्ला मोरंगमा बसोबास गर्दै आईरहेकी शिवालाई खाद्यान्न सहित लत्ताकपडा वितरण गरिएको राष्ट्रिय महिला अधिकार मञ्च दमककी अध्यक्ष रमा लिम्बुले नेपालबहस डटकमलाई जानकारी दिइन् ।

आर्थिक अभावका कारण परिवार पाल्न धौं–धौं भए पछि उनले दैनिक रु.५०।–मा एक डोको घाँस काटदै परिवार पालिरहेको अवस्थामा भेटीएकी पिडित महिला रुपा शिवालाई मञ्चले आर्थिक सहयोग सहित खाद्यान्न सामाग्री बितरण गरेको थियो ।

आर्थिक अभावका कारण परिवार पाल्न समस्या भए पछि शिवाको मानसिक शन्तुलन समेत बिग्रदै गएको अवस्थामा फेला पारी राष्ट्रिय महिला अधिकार मञ्च दमककी अध्यक्ष रमा लिम्बुले उनको उपचारको व्यवस्था मिलाएकी थिईन । राजनीतिमा समेत अत्यन्तै सकयृ रहेकी लिम्बु सामाजिक काममा पनि उत्तिकै क्रियाशिल रहने गरेकी छिन् । उद्योग बाणिज्य संघ दमकको तृतिय उपाध्यक्ष समेत रहेकि महिला नेतृ लिम्बु आफु राजनीतिसँगै अन्याय र विपतमा परेका महिलाहरुको पक्षमा काम गर्न रुचि रहेको कुरा समेत उनले बताइन् ।

दमकस्थित निम्स नेशनल अस्पतालमा निशुल्क होलबडी चेकअप गराउनुका साथै आवश्यक औषधि र फलफुल समेत विरतण गरि सहयोग गरिएको राष्ट्रिय महिला अधिकार मञ्चकी केन्द्रिय सदस्या तथा झापा जिल्ला महिला नेतृ मन्धरा पौडेलले जानकारी दिइन् । महिला अधिकारका पक्षमा सधैं आवाज उठाउँदै आईरहेको मञ्चले विपतमा परेका महिलाहरुको लागि आर्थिक तथा भौतिक सामाग्रीहरु पनि उपलब्ध गराउँदै आईरहेको छ ।