थप ५३४ जना संक्रमित, ४४७ जना डिस्चार्ज

१६ पुष, काठमाडौं । नेपालमा कोरोना सङ्क्रमण पुष्टि हुनेको संख्या २ लाख ६० हजार नाघेको छ । पछिल्लो २४ घण्टामा ५ सय ३४ जनामा सङ्क्रमण पुष्टि भएसँगै नेपालमा सङ्क्रमितको संख्या २ लाख ६० हजार ५ सय ९३ पुगेको हो ।

यस्तै पछिल्लो चौबिस घण्टामा थप ४ सय ४७ जना निको भएर डिस्चार्ज भएका छन् । यससँगै कोरोना संक्रमित भएर पनि निको हुनेको संख्या २ लाख ५२ हजार ३ सय ५९ पुगेको छ ।

स्वास्थ्य तथा जनसंख्या मन्त्रालयका अनुसार आजसम्म ६ हजार ३ सय ७८ जना सक्रिय सङ्क्रमित रहेका छन् । यस्तै थप नौ जनाको ज्यान गएसँगै कोरोना सङ्क्रमणका कारण ज्यान गुमाउनेको संख्या १८ सय ५६ पुगेको छ ।