नेकपामा नेताहरुको कार्यविभाजन गर्ने जिम्मा माधव नेपाललाई !

१९ पुष, काठमाडौं । नेकपा प्रचण्ड-माधव समूहले नेताहरुको जिम्मेवारी विभाजनका लागि कार्यदल गठन गरेको छ । आइतबार बसेको स्थायी कमिटी बैठकले नेताहरुको जिम्मेवारी विभाजन गर्न अध्यक्ष माधवकुमार नेपालको संयोजकत्वमा कार्यदल गठन गरेको हो ।

गठित कार्यदलले नेताहरुको जिम्मेवारी निर्धारणबारे मापदण्ड बनाउने छ । कार्यदलमा सुरेन्द्र पाण्डे, जनार्दन शर्मा, घनश्याम भूसाल, वेदूराम भूसाल, गिरिराजमणि पोखरेल, पम्फा भुसाल, गोकर्ण बिष्ट, वर्षमान पुन, मातृका यादव र शक्ति बस्नेत छन् । यो कार्यदलले पार्टी र जनसंगठनमा रिक्त रहेको पद पूर्ति गर्ने, जिम्मेवारी हेरफेर गर्ने लगायत सिफारिस गर्नेछ ।