बाँकेमा कोरोना संक्रमित वृद्धको ज्यान गयो

२० पुष, काठमाडौं । कोरोना भाइरसको संक्रमणबाट बाँकेमा एक जना वृद्धको ज्यान गएको छ । नेपालगञ्जस्थित भेरी अस्पतालमा उपचारको क्रममा बाँकेको बैजनाथ गाउँपालिका २ का ७६ वर्षीय वृद्धको सोमबार साँझ ५ बजे मृत्यु भएको हो ।

स्वास्थ्यमा समस्या आएपछि भेरी अस्पतालमा १५ पुषमा उनको पीसीआर परीक्षण गरिएको थियो । क्यान्सरका समेत बिरामी रहेका उनी पुस १८ गते अस्पतालमा भर्ना भएका थिए । उपचारकै क्रममा उनको मृत्यु भएको हो ।