सुदुरपश्चिम प्रदेश सरकारका आर्थिक मामिलामन्त्री बोहराद्धारा राजीनामा

२२ पुष, धनगढी । सत्तारुढ नेकपा विभाजन भएपछि सुदूरपश्चिम प्रदेशका आर्थिक मामिला तथा योजनामन्त्री झपडबहादुर बोहोराले राजीनामा दिएका छन् । नेकपा विभाजन हुँदा केपी शर्मा ओली समूहमा लागेका उनले बुधबार पत्रकार सम्मेलन गरी राजीनामा घोषणा गरेका हुन् । उनी ओली समूहले बनाएको ११९९ सदस्यीय केन्द्रीय कमिटीको सदस्य समेत हुन् ।

ओली समूहमा लागेका भौतिक पूर्वाधार विकासमन्त्री पठान सिंह बोहोरालाई हालै मात्र मुख्यमन्त्री त्रिलोचन भट्टले बर्खास्त गरेका थिए । ५३ सदस्यीय प्रदेशसभामा नेकपाका ३९ सांसद थिए । उनीहरुमध्ये ७ जना ओली समूहमा छन् भने अरु प्रचण्ड–माधव समूहमा छन् ।

सुदुरपश्चिम प्रदेशमा उद्योगमन्त्री लेखराज भट्ट ओली समूहमा लागेपनि प्रचण्ड–माधव समूह नै बहुमतमा छ ।