सरकारी वकील कार्यालय, बाजुराको नवनिर्मित भवन  

२४ पुष, काठमाडाैं ।  जिल्ला सरकारी वकील कार्यालय, बाजुराको नवनिर्मित भवन बाजुरा जिल्लाको बडीमालिका नगरपालिका वडा नं. ९ स्थित कार्यालयको आफ्नै नाममा रहेको १ हजार २ सय २५ वर्ग मिटर जग्गामा निर्माण भएको छ। नवनिर्मित यस कार्यालयको ३ तले भवनमा जम्मा १७ वटा कोठाहरु रहेका छन्।

पहिलो तलामा स्टोर तथा अभिलेख कक्ष, मिटिङ हल, थुनुवा कक्ष र पाले पहरा कक्षरहेका छन। त्यसैगरीदोस्रो तलामा जिल्ला न्यायाधिवक्ता र सहायक जिल्ला न्यायाधिवक्ताको कार्यकक्ष, हेल्प डेस्क‚ बयान कक्ष, मुद्दा फाँट तथा साक्षी भेटघाट कक्ष, प्रशासन र लेखा कक्ष रहेका छन् भने भवनको तेस्रो तलामा कार्यालय प्रमुखको आवास रहेको छ।

मंसिर २ गते सम्म बाजुरा जिल्ला बडिमालिका न.पा. वडा नं.८ मा भाडामा रहेको भवनबाट सेवा प्रवाह गर्दै आएकोमा मंसिर ३ गतेदेखि नवनिर्मित भवनबाट कार्यालयका सम्पूर्ण काम कारवाही संचालन हुँदै आएको व्यहोरा सादर निवेदन गर्न चाहान्छु।

भवन निर्माण स्टिमेट रकम रु ३ करोड ९४ लाख ६ हजार ७ सय १२ रुपैयाँ ६७ पैसा रहेकोमा निर्माण कम्पनीसँग भ्याट बाहेक १ करोड ७३ लाख २९ हजार २१७ रुपैयाँ ९० पैसामा निर्माण सम्झौता भएको थियो।