कडा सुरक्षाबीच प्रधानमन्त्री ओली धनगढीमा !

२४ पुष, धनगढी । कडा सुरक्षाका बीच प्रधानमन्त्री केपी शर्मा ओली शुक्रबार कैलालीको धनगढी पुगेका छन्। श्री एअरलाइन्सको जहाजबाट प्रधानमन्त्री ओली धनगढी उत्रिएका हुन् ।

प्रधानमन्त्री ओली विमानस्थलबाट सिधै नेपाल राष्ट्र बैंक धनगढी जानेछन्। सोही ठाउँमा केहीबेर विश्राम गरेर प्रधानमन्त्री ओली कार्यक्रमस्थल जानेछन् । दिउँसो उक्त बैंकबाट नजिकै रहेको धनगढी खुलामञ्चमा आयोजना हुने आमसभालाई सम्बोधन गर्ने कार्यक्रम तय गरिएको छ ।

ओलीसहित नेपाल सरकारका केही मन्त्री र ओली पक्षका नेताले कार्यक्रमलाई सम्बोधन गर्ने कार्यक्रम छ। आमसभाका लागि ओली समर्थक कैलाली र कञ्चनपुरबाट नेता तथा कार्यकर्ता धनगढी पुगेका छन्।

प्रतिनिधि सभा भंग गरेपछि पहिलोपटक प्रधानमन्त्री ओली काठमाडौं उपत्यकाबाहिर गएका हुन्। प्रधानमन्त्री ओली धगनढी पुग्नुअगावै प्रचण्ड माधव समूहले ओलीविरुद्ध प्रदर्शन गरेको छ । केही ठाउँमा टायर बालेर प्रदर्शन समेत गरिएको छ ।