नेपाली कांग्रेस (बीपी) द्धारा माघीको शुभकामना

१ माघ, काठमाडौं । नेपाली कांग्रेस (बीपी) ले माघे संक्रान्तिको अवसरमा देश विदेशमा रहनु भएका सबै नेपालीहरुमा शुभकामना व्यक्त गरेको छ ।

कांग्रेस (बीपी) ले माघ १ गते मनाइने माघी पर्व थारु समुदायको मात्र नभई आम नेपालीको विशेष पर्व हो भन्दै माघे सङ्क्रान्ति पर्वका रुपमा यसलाई सबै समुदायले कुनै न कुनै रुपले सम्झना गर्ने गरेको कार्यलय सचिव सुशिलराज वाग्लेद्वारा जारी शुभकामना सन्देशमा भनिएको छ ।

माघीलाई थारु समुदायले नयाँ वर्षका रुपमा समेत मनाउने गरेको तथा नेपालमा १२५ जाति र १२३ भाषाभाषी भएको देश भएकाले देशमा बसोबास गर्ने हरेक जातिको आ–आफ्नै सांस्कृतिक मूल्य मान्यता रहेको र आगामी दिनमा सबै जातजाति, धर्मावलम्बी, भाषाभाषीको अपनत्वबोध हुने गरी भाषा, संस्कृतिको रक्षा र प्रवद्र्धन गर्नु आजको आवश्यकता भएको शुभकामना सन्देशमा भनिएको छ ।