नेप्सेमा यी दुई कम्पनीको शेयरमूल्य समायोजन ?

२ माघ, काठमाडौं । नेपाल स्टक एक्सचेञ्ज (नेप्से) ले दुई कम्पनीको शेयरमूल्य समायोजन गरेको छ। आज शुक्रबार नेप्सेले तिनाउ मिसन डेभलपमेन्ट बैंक र नेशनल लाइफ इन्स्योरेन्सको शेयरमूल्य समायोजना गरेको हो।

यी दुबै कम्पनीहरुले साधारण सभा तथा लाभांश वितरण प्रयोजनार्थ बुकक्लोज गरेसँगै नेप्सेले शेयरमूल्य समायोजन गरी नयाँ शेयरमूल्य तोकेको हो। नेप्सेले तिनाउ मिसन डेभलपमेन्ट बैंकको ६ प्रतिशत बोनस शेयर समायोजन गरेको हो।

समायोजनपश्चात बैंकको शेयरमूल्य १८६ रुपैयाँ तोकिएको छ। नेप्सेले अघिल्लो कारोबार दिनको अन्तिम मूल्यका आधारमा समायोजन गरेको हो। बुधबार बैंकको शेयर प्रतिकित्ता १९७ रुपैयाँमा अन्तिम कारोबार भएको थियो।

त्यस्तै, नेशलन लाइफ इन्स्योरेन्स कम्पनीको १० प्रतिशत बोनस शेयर समायोजन गरी नेप्सेले नयाँ मूल्य तोकेको हो। इन्स्योरेन्सको समायोजित शेयरमूल्य १ हजार ६४ रुपैयाँ रहेको छ।

बुधबार बैंकको शेयर प्रतिकित्ता १ हजार १७० रुपैयाँमा अन्तिम कारोबार भएको थियो। आइतबार यही समायोजित मूल्यलाई आधार मानेर यी दुबै कम्पनीको शेयर कारोबार खुल्नेछ।