रविको अध्यक्षतामा गण्डकी ट्रक यातायात व्यवसायी संघमा निर्विरोध कार्यसमिति निर्वाचित

३ माघ, काठमाडौं । गण्डकी ट्रक यातायात व्यवसायी संघको ४३ औं साधारणसभा तथा २० औं महाधिवेशन सम्पन्न भएको छ । शुक्रबार पोखरामा संघको ४३ औं साधारणसभा तथा २० औं महाधिवेशन सम्पन्न भएको हो ।

उक्त सभामा रवीन्द्र गिरी ‘रवि’ को अध्यक्षतामा नयाँ कार्यसमिति चयन भएको छ । संघको नयाँ कार्यसमितिको वरिष्ठ उपाध्यक्ष विकास थापा, प्रथम उपाध्यक्षमा ईश्वरकुमार श्रेष्ठ, द्वितिय उपाध्यक्ष दुर्गादत्त भाेगाई, महासचिव रामचन्द्र सुवेदी , सचिव होम बहादुर कार्की , कोषाध्यक्ष अनिल विक्रम खाँण, सहकोषाध्यक्ष गंगा कुमारी खनाल रहेका छन् । त्यस्तै, सदस्यमा रुद्रनाथ अधिकारी,शशि विक्रम राणा निर्वाचित भएका छन् । ३ जना सदस्य पछि मनाेनित गरिने जनाइएकाे छ ।

नव निर्वाचित अध्यक्ष गिरीले लाखापाखा लागेका व्यवसायीलाई समेटेर उनीहरुको हकहितको लागि काम गर्ने प्रतिबद्धता व्यक्त गरेका छन् । साथै संघलाई मजबुत बनाउँदै जाने र पीडित व्यवसायीलाई सहयोग गर्ने बताए । हाल गण्डकी ट्रक यातायात व्यवसायी संघमा ८ सय ४० जना व्यवसायी आवद्ध रहेको संघले जनाएको छ ।

त्यस्तै नवनिर्वाचित कोषाध्यक्ष खाँडले संघको दुर्घटना राहत कोषलाई बलियो बनाउने तथा अन्य ट्रक व्यवसायीहरुलाई पनि संघमा आबद्ध गराईने प्रतिबद्धता व्यक्त गरेका छन् । नेपाल तरुण दल स्याङ्जाका नेता समेत रहेका खाँडले ट्रक व्यवसायीहरुको हकहित रक्षा र समस्या परेका बेला आफुहरु रातदिन नभनी खटिने बताएका छन् ।