यी हुन् नेप्सेमा आज धेरै कारोबार हुने पाँच कम्पनी ?

६ माघ, काठमाडौं । आज मंगलबार नेपाल स्टक एक्सचेञ्ज (नेप्से)मा यी पाँच कम्पनीले सर्वाधिक कारोबार गरेका छन् । मंगलबार नेप्सेमा नेपाल लाइफ इन्स्योरेन्स कम्पनीको सर्वाधिक कारोबार भएको हाे । त्यस्तै, प्रभु बैंक, नेपाल पुनर्बीमा कम्पनी, नेपाल टेलिकम र  हाइड्रो इलेक्टीसिटिले सर्वाधिक कारोबार गरेका हुन् ।

आज नेप्से ५ दशमलव ५७ अंकले घटेर २३२६ दशमलव ९० को विन्दुमा कायम भएको छ । टेडिङ, फाइनान्स र जीवन बीमा कम्पनी बाहेक आज अन्य क्षेत्रको उपूचक राताम्मे भएको छ । दिनभरिमा २ सय ६ सय वटा कम्पनीको १ करोड ६३ लाख ५ हजार १ सय ४१ कित्ता शेयर किनबेच हुँदा ७ अर्ब ४६ करोड रुपैयाँ भन्दा बढीको कारोबार भएको छ ।

कुन कम्पनीको कारोबार कति ?

नेपाल लाइफको ९१ करोड ९७ लाख रुपैयाँको कारोबार भएको छ । त्यस्तै, प्रभु बैंकको ३५ करोड ६१ लाख रुपैयाँ बराबरको कारोबार भएको छ। नेपाल पुनर्बीमाको ३० करोडमाथिको शेयर करोबार भएको छ । नेपाल टेलिकमको २९ करोडमाथिको, हाइड्रो इलेक्टीसिटिको २३ करोडमाथिको शेयर कारोबार भएको छ । एनआइसी एशिया बैंकको २० करोडमाथिको शेयर कारोबार भएको छ ।