जारी सुनुवाइमा बहस गर्ने समय आधा घण्टा तोकियो

७ माघ, काठमाडौं । प्रतिनिधि सभा विघटनसम्बन्धी रिटमा सर्वोच्च अदालतमा जारी सुनुवाइमा बहस गर्ने अधिवक्तालाई समय तोकिएको छ । बुधबार प्रधानन्यायाधीश चोलेन्द्र शम्शेर जबराले आधा घण्टाको समय निर्धारण गरेका हुन् ।

प्रतिनिधिसभा विघटनसम्बन्धी सर्वाेच्च अदालतमा जारी सुनुवाईमा कानून व्यवसायीको ठूलो संख्या र प्राप्त असीमित समयावधिले मुद्धा फैसलामा ढिलाई हुने देखिएपछि आजबाट बेञ्चले समयसीमा निर्धारण गरेको हो ।

यसअघि एउटै अधिवक्ताले घण्टौँ बहस गरेपछि समय अभाव हुनसक्ने भन्दै बहसलाई छरितो बनाउन न्यायाधीशहरुले सुझाव दिएका थिए । तर प्रधानन्यायाधीश राणाले समय निर्धारण गरे लगत्तै वरिष्ठ अधिवक्ता चन्द्रकान्त ज्ञवालीले एक घण्टा समय माग गरेका थिए ।

जारी सुुनुवाईको क्रममा आज पहिलो बहसकर्ताका रुपमा आएका कानून व्यावसायी डा. चन्द्रकान्त ज्ञवालीलाई प्रधानन्यायधीश चोलेन्द्रशम्शेर राणाले आधा घण्टाको समयसीमा तोकेका छन् । बहस लम्बिन थालेकाले समयमै फैसला गर्न ढिलाई हुुने देखेकाले आजबाट हामीले समयसीमा निर्धारण गरेका छौं–राणाले भने डा.सावलाई आधा घण्टाको समय छुुट्याइएको छ ।

साथै, इजलाशले टाइमरसमेत सेट गरेकाे छ । यसले बहस सुरु भएको र सकिने समयको जानकारी दिनेछ । यसअघि एकैजनाले घण्टौं वहसपैरवी गर्दै आएका थिए

प्रतिनिधि सभा विघटन गर्ने सरकारको निर्णयविरुद्ध गत आइतबारदेखि सर्वोच्चको संवैधानिक इजलासमा सुनुवाई जारी छ ।