प्रदेश २ मा चिसोले तीनजनाको मृत्यु

७ माघ, काठमाडौं । प्रदेश २ मा चिसोले तीन जनाको मृत्यु भएको छ । अत्याधिक चिसो बढेपछि पुष यता प्रदेश नं २ मा तीन जनाको मृत्यु भएको हो ।छ । बारामा १ जना र सर्लाहीमा दुईजनाको चिसोले कठ्यांग्रिएर मृत्यु भएको प्रदेश प्रहरी कार्यालय प्रदेश नं २ ले जनाएको छ ।

कार्यालयका अनुसार माघ २ गते बाराको देवताल गाउँपालिका ७ बस्ने ६० वर्षीया राधिकादेवि, पुस ५ गते सर्लाहीको हरिपुर्वा नगरपालिका– ३ बस्ने वर्ष ४५ को रोजाही शेख र लालबन्दी नगरपालिका– १ नवलपुर बस्ने ६० वर्षिय नरेश न्यौपानेको चिसोले कठ्याङग्रिएर मृत्यु भएको छ ।
यसैबीच चिसोले सिराहामा आगो ताप्ने क्रममा जलेर दुई जनाको ज्यान गएको छ ।