प्रभु लाईफको मुल्य एकैदिनमा ३९४ ले घट्यो !

८ माघ, काठमाडौं । नेपाल स्टक एक्सचेन्जको वेभसाइटमा प्रभु लाईफ इन्स्योरेन्सको मुल्य शुन्य देखिएको छ । वेभसाइटमा टप लुजरको एक नम्बरमा प्रभु लाईफ इन्स्योरेन्सको संकेत पीएलआई (PLI) देखिएको छ ।

जहाँ आजको अन्तिम कारोबार रकम ०.०० देखिएको छ भने  मुल्य ३९४ रुपैयाँले घटेको देखिएको छ । यो नेपाल स्टक एक्सचेन्जको वेभसाइटमा देखिएको गम्भिर त्रुटी हो ।

नेपाल स्टक एक्सचेन्जमा भिजिटरकाे चाप बढ्दै जाँदा नेप्सेले वेभसाइट र रियलटाइम डाटामा सँधै धोका दिँदै आएको छ । यस्ता त्रुटीले नेप्सेप्रतिको विश्वसनियतामा बारम्बार प्रश्न उठदै आएको छ ।

वास्तवमा आज प्रभु लाईफको शेयरमा सर्किट लाग्दै मुल्य ३९ रुपैयाँले बढेर ४३३ रुपैयाँमा कारोबार गर्दै बन्द भएको थियो । तर, नेप्सेको टप लुजरको पहिलो नम्बरमा मुल्य शत प्रतिशत घटेको देखिएको छ ।