ओली नेकपाबाट निष्काशितः नेपाल

८ माघ, सुर्खेत । नेकपा प्रचण्ड–माधव समूूहका अध्यक्ष माधवकुमार नेपालले प्रधानमन्त्री केपी ओलीलाई पार्टीको साधारण सदस्यबाट आजैबाट निष्काशन गरेको घोषणा गरेका छन् ।

कर्णाली प्रदेशस्तरीय विरोधसभामा आज वीरेन्द्रनगरमा बोल्दै अध्यक्ष नेपालले भने – तीन दिन अघि ओलीलाई स्पष्टीकरण सोधेकोमा उनले जवाफ फर्काउन सकेनन् , त्यसैले आजकै मितिबाट उनी पार्टीको साधारण सदस्यसमेत नरहने गरी नेकपाबाट हटाइएको घोषणा यहींबाट गर्दछुु ।

नेकपाको नेतृत्वमा पुुगेदेखि नै ओली सबैका लागि घाँडो भएको स्मरण गर्दै अध्यक्ष नेपालले अब भने नेकपाले नयाँ उँचाईका साथ आफूलाई लोकतान्त्रिक बाटोमा अग्रसर गराउने बताएका छन् ।

पार्टीका लागि कुलंगार बनेका ओली कहिल्यै कम्युनिष्ट नरहेको भन्दै उनले ओलीको निरंकुशतन्त्रविरुद्धको आन्दोलन अझै सशक्त र प्रभावकारी बनाइने जानकारी दिए ।