आजदेखि नारायणी डेभलपमेन्ट बैंकको हकप्रद शेयर बिक्रीमा

१३ माघ, काठमाडौं । नारायणी डेभलपमेन्ट बैंक लिमिटेडले आफ्ना लगानीकर्तालाई आज (माघ १३ गते, मंगलबार) देखि हकप्रद शेयर निष्कासन तथा बिक्री खुल्ला गरेको छ ।

बैंकले १ः१ अर्थात एक कित्ता शेयर बराबर एकको अनुपातमा ६ करोड ५६ लाख १६ हजार ९ सय रुपैयाँ बराबरको ६ लाख ५६ हजार १ सय ६९ कित्ता हकप्रद शेयर निष्कासन गरेको हो ।

बैंकले हकप्रद शेयर निष्कासन गर्ने प्रयोजनका लागि पौष २९ गते, बुधबार एक दिनका लागि सेयरधनी दर्ता पुस्तिका (बुक क्लोज) गरेको थियो । त्यसैले, पौष २८ गतेसम्म नेप्सेमा कायम शेयरधनीहरूले मात्र यस हकप्रदमा आवेदन दिन सक्नेछन् ।
उक्त हकप्रदमा लगानीकर्ताले प्रतिकित्ता १०० रुपैयाँको दरले आज (माघ १३ गते) देखि फागुन ३ गतेसम्म आवेदन दिन सक्नेछन् । कम्पनीको हकप्रद शेयर निष्कासन तथा बिक्री प्रबन्धकको काम ग्लोबल आइएमई क्यापिटल लिमिटेडले गर्नेछ ।
बैंकको हकप्रदलाई इक्रा नेपालले इक्राएनपीआईआर सिङ्गल सीु रेटिङ्ग प्रदान गरेको छ। यस रेटिङ्गले समयमा वित्तीय दायित्व पूरा गर्न सक्ने सम्बन्धमा उच्च जोखिम छ भन्ने बुझाउँछ ।