आज तेश्रो दिन पनि माइतिघरमा धर्ना

१६ माघ, काठमाडौं । नेकपाको प्रचण्ड–माधव पक्षले शुक्रबार तेश्रो दिन पनि माइतिघरमा धर्ना दिएको छ । प्रतिनिधि सभा विघटनविरुद्ध चरणवद्ध आन्दोलन गर्दै आएको प्रचण्ड–माधव पक्षले आफ्नो आन्दोलनको कार्यक्रमलाई आज पनि जारी राखेको हो ।

प्रधानमन्त्रीद्वारा असंवैधानिक रुपमा संसद विघटन गरिएको भन्दै त्यसको विरोधस्वरुप सो पक्षले धर्ना दिइरहेको छ । धर्ना कार्यक्रममा दाहाल नेपाल समूहका संविधान सभा सदस्य,संघीय सांसद र प्रदेश सभा सदस्यहरु, नेता तथा कार्यकर्ताहरु सहभागी थिए ।

संविधानले प्रतिनिधि सभा विघटनको कल्पना नै नगरेको र संसद जिवित छ भन्‍ने सन्देश दिन एक साताका लागि नेकपाले धर्नाको आयोजना गरेको हो ।