‘निन्फ्रा’आईपीओको रिजल्टमा प्रविधिक समस्या – सीडीएस

१६ माघ, काठमाडौं । सार्वजनिक निष्काशन नेपाल इन्फ्रास्ट्रक्चर बैंकको आईपीओ (साधारण शेयर) बाँडफाँड आज भएता पनि सबै नतिजा प्रकाशनमा प्रविधिक समस्या देखिएकाे छ । नतिजा प्रकाशनमा ढिलाइ भइरहेकाे छ ।  साेही कारण नतिजा कतिखेर आउला र कति कित्ता शेयर पर्याे हेराैंला भनेर धेरै लगानीकर्ता पर्खिरहेका छन् ।

केन्द्रीय निक्षेप प्रणाली (सीडीएस)का अनुसार नतिजा आजै अबेर रातिसम्म भएपिन प्रकाशन गर्ने तयारी भइरहेकाे छ । प्रविधिक जनशक्ति अभावका कारण आईपीओको रिजल्ट प्रकाशन गर्न ढिलाई भएको सीडीएसले जनाएको छ । बैंकको आईपीओमा अहिलेसम्मको बढि आवेदन परेको थियो । धेरै आवेदकले भरेको बैंकको आईपीओ रिजल्ट सार्वजनिक भएपनि प्रकासन भने हुन सकेको छैन ।

यतिबेला लगानीकर्ता आईपीओ रिजल्ट कुरीरहेका छन । १५ लाख भन्दा धेरै डाटा फाइलकाे काम जारी भएकै कारण लोड हुन केही समय बढि लाग्ने भएकाले रिजल्ट समयमा प्रकाशन गर्न नसकिएको सीडीएसले जनाएको छ । ‘लोड हुन अझौ केहि समय लाग्ने भएको छ’, सीडीएसले भन्यो, ‘राति अवेरसम्म भएपनि रिजल्ट प्रकासन गर्ने छौं । लगानीकर्ताले आजै शेयर रिजल्ट हेर्न पाउने छन ।’