२१ सुन्दरीले ‘मिसेस ब्युटी क्वीन नेपाल २०२१’ मा प्रतिस्पर्धा गर्दै

१८ माघ,काठमाडौं । ‘मिसेस ब्युटी क्वीन नेपाल २०२१’का लागि २१ प्रतियोगी छनौट भएका छन् । उक्त प्रतियोगीता सिजन मिडियाले गर्न लागेको हो ।

विवाहित महिलाहरुलाई केन्द्रमा राखेर मिसेस ब्युटी क्वीन नेपाल २०२१ को आयोजना हुन लागेको हो । शनिबार सिजन मिडियाकै कार्यालय कमलादीमा आयोजित छनौट चरणको अडिसनबाट यी प्रतियोगी अन्तिम स्पर्धाका लागि छानिन सफल भएका हुन् ।

करिव ४० बढी प्रतियोगी सहभागी अडिसनबाट २१ प्रतियोगी छानिएका हुन । उक्त अडिसनको निर्णायकमा कोरियोग्राफर रोजिन शाक्य, जुम्वा प्रशिक्षक सोनाम केसी, मिसेस ब्युटी क्वीन नेपाल २०१९ की विजेता शान्ति लिम्वु र सिजन मिडियाका अध्यक्ष प्रदीपराज वन्त रहेका थिए ।

विवाहित महिला प्रतिभा निखार्दै उनीहरुलाई सक्षम बनाउने उद्देश्यले विगत ४ वर्षदेखि प्रतियोगिता नियमित आयोजना हुँदै आईरहेको छ ।
फागुनको दोस्रो साता आयोजना हुने प्रतियोगिताका विजेताले शीर्ष उपाधिका साथमा विभिन्न गिफ्ट तथा अवसर पुरस्कारको रुपमा प्राप्त गर्नेछन् ।