प्रचण्डविरूद्ध सर्वोच्च अदालतमा अपहेलना मुद्दा दर्ता

१९ माघ, काठमाडौं । नेकपा कम्युनिष्ट पार्टी नेकपाको दाहाल नेपाल समूहका अध्यक्ष पुष्पकमल दाहाल ‘प्रचण्ड’विरूद्ध सर्वोच्च अदालतमा अपहेलना मुद्दा दर्ता भएको छ ।

अधिवक्ता समीर हायूले दाहालविरुद्ध अपहेलना मुद्दा दर्ता गरेका हुन् । मुद्दाको पेसी मंगलबारलाई तोकिएको छ । दाहालले अदालत र न्यायाधीशहरूलाई पटक–पटक धम्कीपूर्ण अभिव्यक्ति दिएको निवेदनमा दाबी गरिएको छ ।

यसअघि प्रधानमन्त्री केपी ओली, पूर्वसभामुख दमननाथ ढुंगाना र चार पूर्वप्रधानन्यायाधीश अनुपराज शर्मा, मीनवहादुर रायमाझी, कल्याण श्रेष्ठ र सुशीला कार्कीविरुद्ध अवहेलना मुद्दा दर्ता भएको थियो ।

उक्त मुद्दामा विपक्षी सबैलाई लिखित जवाफसहित सात दिनभित्र उपस्थित हुन अदालतले आदेश दिइसकेको छ । ओलीले प्रतिनिधिसभा विघटन गरेपछि त्यसको सुनुवाईका लागि जुटेको सर्वाेच्च अदालतलाई प्रभावित पार्न सकृय भएको आरोप धेरैलाई लागेको छ ।

यसै श्रृखलामा आजबाट अर्का राजनीतिक व्यक्तिको नामसमेत यस्तै सूचिमा चढेको छ । अर्थात आज सर्वाेच्च अदालतमा नेकपा अध्यक्षसमेत रहेका पूर्व प्रधानमन्त्री  प्रचण्डमाथिसमेत यस्तै आरोप लगाइएको छ । अधिवक्ता समिर हायुले आज प्रचण्डविरुद्ध मुद्धा दायर गरेका हुन् । यो मुद्धाको पेशी भोलिका लागि तोकिएको छ ।

अधिवक्ता हायुले प्रचण्डका अभिव्यक्तिले सर्वाेच्च अदालतका न्यायमूर्तिहरुलाई धम्क्याउन खोजेको र त्यसले न्याय सम्पादनमा प्रभाव पर्ने सम्भावना देखिएको भन्दै उनीमाथि मानहानीको मुद्धा दर्ता गरेको बताएका छन् ।