अधिनायकवादविरुद्ध जुत्ता बोकेर प्रदर्शन

२६ माघ, काठमाडौं । सोमबार माइतीघर मण्डलामा विवेकशील पार्टीले अधिनायकवाद विरुद्ध जुत्ता बोकेर प्रदर्शन गरेको छ । उक्त पार्टीका कार्यकर्ताले प्ले-कार्ड, ब्यानर र जुत्ता बोकेर प्रदर्शन गरेका हुन् ।

प्रतिनिधिसभा विघटनको विरोध तथा संसदीय सुनुवाईविना नै संवैधानिक आयोगहरूमा गरिएको नियुक्ति अवैधानिक रहेको भन्दै उनीहरूले जुत्ता-प्रदर्शन गरे । ‘विधि विधान नकुल्च’ भन्ने नारासहित प्रदर्शन गरिएको हो ।

संसद विघटन भएदेखि रचनात्मक विरोध कार्यक्रम गर्दै आएको विवेकशीलले आज जुत्ता झुण्ड्याएर प्रदर्शन गरेको हो ।