बगर शाखामा गरिमा विकास बैंकको लकर सुविधा

२६ माघ, काठमाडौं । गरिमा विकास वैंक लिमिटेडले गा्रहकहरुलाई दिईरहेको सेवा तथा सूविधालाई थप प्रभावकारी गर्ने प्रयोजनका लागि कास्की जिल्ला, पोखरा म.न.पा. वडा नं १ वगर स्थित शाखाबाट लकर सूविधाको सुरुवात गरेको छ ।

लकर हिजो आईतबारबाट सञ्चालनमा आएको छ । बैंकद्वारा आयोजित उक्त कार्यक्रमको औपचारीक उद्घाटन बैंकका प्रमुख कार्यकारी अधिकृत गोविन्द प्रसाद ढकालले गरेका थिए । साथै उक्त कार्यक्रमलार्ई सम्वोधन गर्ने क्रममा गरिमा विकास बैंकले नेपाल राष्ट्र बैकको नीति तथा नियमको परिधिमा वसी आफ्नो सेवा विस्तार गरेकाे चर्चा गरे । पूर्व मेचीदेखि पश्चिम महाकालीसम्म बैंकले शाखा विस्तार गरि हाल नेपाल अधिराज्यभर बैंकले १०६ शाखा कार्यालयहरु र ५१ वटा एटीएमबाट सेवा प्रदान गरिरहेको छ । निकट भविष्यमा थप शाखा सञ्जाल देशका अन्य स्थानहरु थपेर सेवा विस्तार गर्ने क्रममा बैंक रहेको ढकालले बताए ।