यी दुई कम्पनीको लाभांश सुरक्षित गर्ने आज अन्तिम दिन

२९ माघ, काठमाडौं । नेप्सेमा सूचीकृत दुई कम्पनीहरुको लाभांश सुरक्षित गर्ने अन्तिम दिन रहेको छ।

तारागाउँ रिजेन्सी होटल र स्वाभिमान लघुवित्तले साधारण सभा तथा लाभांश वितरण प्रयोजनार्थ भोलि अर्थात माघ ३० गते बुकक्लोज गर्दैछन्। सोही कारण यी दुई कम्पनीको साधारण सभामा सहभागिता जनाउन तथा लाभांश प्राप्त गर्न आजसम्म शेयरधनी बन्नु पर्नेछ।

तारागाउँले १० प्रतिशत नगद लाभांश वितरण गर्ने प्रस्ताव सहित फागुन १४ गते बौद्ध, काठमाडौँमा २४ औँ वार्षिक साधारण सभा डाकेको छ।

त्यसैगरी, स्वाभिमानले २० प्रतिशत बोनस शेयर र १.०५ प्रतिशत नगद लाभांश गरी कुल २१.०५ प्रतिशत लाभांश वितरण गर्ने प्रस्ताव पारित गर्न फागुन १३ गते, चौथो वार्षिक साधारण सभा डाकेको छ।