विघटनमा ओलीको बद्नियतः कार्की

४ फागुन, काठमाडौं । सर्वाेच्च अदालतमा एमिकस क्यूरीका रुपमा बहस गर्ने वरिष्ठ अधिवक्ता बद्रीबहादुर कार्कीले वर्तमान संविधानमा बहुमत प्राप्त प्रधानमन्त्रीलाई प्रतिनिधिसभा विघटनको अधिकार भएको तर प्रधानमन्त्री केपीओलीले भने बद्नियतका साथ गरेको बताएका छन् ।

संवैधानिक इजलाशमा आज बहस गर्दै कार्कीले भने, संविधानले बहुमत प्राप्त प्रधानमन्त्रीलाई विघटनको अधिकार दिएको प्रष्ट्याउँदै त्यसका लागि धारा ८५ मा साइलेन्ट रुपमा व्यवस्था गरिएको दाबी गरे ।

धारा ७६ (१) को प्रधानमन्त्रीलाई विघटनको अधिकार भएपनि ओलीले भने पार्टीभित्रको झगडाका कारण विघटन गरेकाले उनको बद्नियत देखिएको उनको तर्क थियो । त्यसैले यो गलत काम भएको भन्दै वरिष्ठ अधिवक्ता कार्कीले संसद्प्रति उत्तरदायित्व वोध नगरेकाले सदर गर्न नपर्ने बताए ।

प्रधानमन्त्रीले पार्टी झगडा मिलाउन नसकेपछि संसद फेस गर्नुपथ्र्याे तर त्यसो नगरी विघटनको विकल्प रोज्नुका पछाडि सत्तालिप्सा देखिएको कार्कीले धारणा राखे ।

विघटनको विकल्पमा अर्काे सरकार बन्न सक्थ्यो वा सक्दैनथ्यो त्यसको परीक्षण हुनुपर्नेमा प्रधानमन्त्रीले हठात् विघटन गर्न हतारिनुका पछाडि बद्नियत देखिन्छ – कार्कीले भने – पार्टीले सहयोग नगरेको दोष प्रतिनिधिसभा माथि पोख्न मिल्दैन ।