ओलिलाई सत्ता उन्माद सुरुवात नगर्न काग्रेसको चेतावनी

४ फागुन, काठमाडौं । नेपाली कांग्रेसले बैतडीको डिलासैनीमा पार्टीको कार्यक्रम भइरहेकोे समयमा नियोजित रूपमा आक्रमण गरिएको भन्दै सो घटनाको विरोध गरेको छ । नेपाली कांग्रेसले केपी शर्मा ओली नेतृत्वको नेकपालाई सत्ता उन्माद प्रस्तुत नगर्न चेतावनी दिएको हाे ।

कांग्रेस प्रवक्ता विश्वप्रकाश शर्माले विज्ञप्ती जारी गर्दै बैतडी जिल्लाको डिलासैनीमा नेपाली कांग्रेसको कार्यक्रम भइरहेको समयमा प्रधानमन्त्री केपी ओली निकट नेकपाका कार्यकर्ताले आक्रमण गरेको भन्दै यस्तो चेतावनी दिएका हुन् ।

 पुर्वमन्त्री समेत रहेका कांग्रेसका केन्द्रिय सदस्य एनपि साउद, नेबिसंघका पुर्व अध्यक्ष नैनसिंङ महर जस्ता नेता सम्मेलित कांग्रेसको आमसभामा नेकपा ओली समूहका कार्यकर्ताले ढुंगामुडा गर्दा कांग्रेस केन्द्रीय सदस्य एनपी साउदसहित केही कार्यकर्ता घाइते भएका छन् ।

सत्तारुढ नेकपाको स्थानीय पार्टी पंक्तिमा उग्रवादी चरित्र भर्न केन्द्रीय नेतृत्वकै अभिव्यक्ति शैली र व्यवहारले भूमिका खेलेको हाम्रो ठहर छ,’ विज्ञप्तीमा भनिएको छ, ‘यस्तो प्रवृत्ति परित्याग गर्न चेतावनी दिँदै कांग्रेस डिलासैनी घटनाका दोषीहरुलाई तत्काल पक्राउ गरेर कारबाही गर्न माग गर्दछ ।’