सेञ्चुरी बैंकको शाखारहित बैंकिङ्ग सेवा रुपन्देहीको बगौलीमा

५ फागुन, काठमाडौं । सेञ्चुरी कमर्सियल बैंकले वित्तीय सेवा विस्तार गर्ने क्रममा रुपन्देही जिल्लाको मार्चवारी गाउँपालिकाको बगौलीमा २०७७ फाल्गुण ५ गतेदेखि शाखारहित बैंकिङ्ग सेवा प्रारम्भ गरेको छ ।

उक्त शाखारहित बैंकिङ्ग सेवाको शुभारम्भ एक कार्यक्रमका बीच मार्चवारी गाउँपालिकाका उपाध्यक्ष सुनिता कलवार जैसवालले गरेकी छन् । यस सेवाबाट बगौली लगायतका क्षेत्रका जनताले आधुनिक बैंकिङ्ग सेवा उपयोग गरी उनीहरुको आर्थिक समृद्धिमासमेत लाभ पुग्ने उपाध्यक्ष जैसवालले जोड दिइन् ।

आधुनिक प्रविधिको माध्यमबाट देशका दुर्गम तथा शहरी क्षेत्रमा सरल बैंकिग सेवा प्रदान गर्दै आएको सेञ्चुरी कमर्सियल बैंकले आफ्ना १२० शाखा १० एक्सटेन्सन काउन्टर, २२ शाखारहित बैंकिङ्ग र ८८ एटीएममार्फत वित्तीय सेवा प्रदान गर्दै आइरहेको छ ।