सर्वाेच्चमा सुनुवाई हुँदै, आजै सकिने

७ फागुन, काठमाडौं । प्रधानमन्त्री केपी ओलीले गएको पुष ५ गते प्रतिनिधिसभा विघटन गरेको विरोधमा सर्वाेच्च अदालतमा परेको रिट निवेदनमाथिको सुनुवाई लगभग सकिएको छ ।

निवेदक र प्रतिवादी पक्षका कानून व्यावसायीहरुको वहस पैरवी सकिएपछि अदालतका सहयोगीका रुपमा पाँच जना वरिष्ठ कानून व्यावसायीहरुले समेत आफ्नो राय संवैधानिक इजलाश समक्ष दिएका छन् । यसक्रममा आज अन्तिम राय दिनेमा वरिष्ठ अधिवक्ता गीता पाठक संग्रौला रहेकी छन् । अहिले उनको वहस जारी छ ।

उनले पनि प्रतिनिधिसभा विघटन गर्ने अधिकार संविधानतः प्रधानमन्त्रीलाई नरहेको भन्दै पुनस्थापनामै जोड दिएन । यसक्रममा उनले स्वरसम्राट नारायणगोपालले गाएको गीत सुनाएकी थिइन् ।

यसअघि एमिकस क्यूरीका रुपमा वरिष्ठ अधिवक्ताहरु बद्रीबहादुर कार्की, शतिशकृष्ण खरेल, विजयकान्त मैनाली र पूर्णमान शाक्यले आप्mनो राय दिएका थिए । जसमा मैनालीबाहेक सबैले प्रधानमन्त्रीले विघटन गर्न नपाउने धारणा राखे । यद्यपि कार्कीले भने संविधानले विघटनबारे मौन रुपमा स्वीकारेको तर प्रधानमन्त्री ओलीले भने बद्नियत राखेर गरेकाले मान्य नहुने राय प्रकट गरेका थिए ।