प्रचण्ड- नेपाल काठमाडौंमा

१२ फागुन,चितवन । चितवनको पूर्वनिर्धारित विरोधसभालाई सम्बोधन गर्न पुगेका (नेकपा) दाहाल–नेपाल समूहका अध्यक्षद्वय पुष्पकमल दाहाल ‘प्रचण्ड’ र माधवकुमार नेपाल कार्यक्रमलाई सम्बोधन नै नगरी काठमाडौं फर्केका छन् । सर्वोच्च अदालतले प्रतिनिधिसभा विघटन बदर गरेसँगै पूर्वनिर्धारित कार्यक्रम छाडेर उनीहरु आज बिहान १०ः४५ बजे जहाजबाट काठमाडौं आएका हुन् ।

प्रेस सङ्गठनका नेता सुरेशचन्द्र अधिकारीका अनुसार अब विरोधसभालाई विजयसभाका रूपमा परिणत गरि कार्यक्रम गर्न लागिएको छ । सो कार्यक्रमलाई अन्य नेताहरुले सम्बोधन गरेका छन् ।

सभालाई नेकपाका नेता सुरेन्द्रप्रसाद पाण्डे, नारायण दाहाल, रेनु दाहाललगायतले सम्बोधन गर्दै छन् । विजयसभा हुनुअघि विभिन्न स्थानबाट र्याली निकालिएको थियो ।