प्रचण्ड–माधव समूहकाे काठमाडौंमा विजय जुलुस

१२ फागुन, काठमाडौं । प्रतिनिधिसभा पुनस्थापना भएकोमा खुसियाली मनाउँदै यतिबेला राजधानीमा जुलुस निस्किएको छ । नेकपा प्रचण्ड–माधव समूहको अगुवाईमा निस्किएको विजय जुलुस रत्नपार्कबाट सुरु भइ सहर परिक्रमा गरिरहेको छ । जुलुसका कारण यतिबेलाको ट्राफिक अस्तव्यस्त भएको छ ।

विजय जुलुसको नेतृत्व गर्न नेकपा अध्यक्षद्वय पुष्पकमल दाहाल ‘प्रचण्ड’ र माधवकुमार नेपाल चितवनबाट राजधानी आएपनि सहभागी भएनन् । अध्यक्षद्वय पछिल्लो राजनीतिक घटनाक्रमबारे छलफल गर्न भनी कांग्रेस सभापति शेरबहादुर देउवालाई भेट्न बुढानिलकण्ठ पुगेका छन् । राजधानीका विभिन्न स्थानबाट निस्किएको जुलुस अन्तिममा शान्तिबाटिकामा पुगि कोण सभामा परिणत हुनेछ ।