भारतविरुद्ध इंग्ल्याण्डले पहिले ब्याटिङ, कसले पाए मौका

१२ फागुन काठमाडौं । भारतसँगको टेष्ट क्रिकेट सिरिजको तेस्रो खेलमा पाहुना टोली इंग्ल्याण्डले टस जितेर ब्याटिङ रोजेको छ । यी दुई टिमबीचको तेस्रो टेष्ट २ः४५ बजेदेखि अहमदाबादस्थित मोटेरा क्रिकेट स्टेडियममा सुरु भएकाे छ ।

तेस्रो टेष्टमा इंग्ल्याण्डले प्लेइङ–११ मा चार र भारतले दुई खेलाडी परिवर्तन गरेको छ । तेस्रो टेष्ट भारत–इंग्ल्याण्ड दुवै टिमका लागि निकै महत्वपूर्ण छ ।

आईसीसी विश्व टेष्ट च्याम्पियनसिप फाइनलमा पुग्ने सम्भावना जिवितै राख्न दुवै टिमलाई तेस्रो टेष्ट जित्नै पर्ने दबाब छ ।

तेस्रो टेष्टमा हार ब्यहोर्ने टिम च्याम्पियनसिपको फाइनल दौडबाट बाहिरिने छ । म्याच ड्र भएमा इंग्ल्यान्ड च्याम्पियनसिपको फाइनल पुग्नबाट बाहिरिने छ ।

जुन महिनामा लड्समा हुने च्याम्पियनसिप फाइनलमा न्यूजिल्याण्ड भने यसअघि नै प्रवेश गरिसकेको छ । फाइनलमा न्यूजिल्याण्डसँग खेल्न भारत, इंग्ल्यान्ड र अष्ट्रेलियामध्ये एक टिम प्रवेश गर्ने छ । चार खेलको सिरिज अहिले १(१ को अवस्थामा छ ।

पहिलो म्याचमा २ सय १७ रनको फराकिलो हार ब्यहोरेको भारतले दोस्रो टेष्टमा भने उत्कृष्ट ‘कमब्याक’ गर्‍यो ।

दोस्रो टेष्टमा भारतले इंग्ल्याण्डलाई ३ सय १७ रनले हराएको थियो । सिरिजको पहिलो दुई टेष्ट चेन्नईमा भएका थिए ।