मास्टरसेफ सन्तोष साह काठमाडौंमा

१३ फागुन,काठमाडौं । मास्टरसेफ सन्तोष साह आज नेपाल आइपुगेका छन् । उनको त्रिभुवन अन्तर्राष्ट्रिय विमानस्थलमा भव्य स्वागत गरिएको छ । नेपाल पर्यटन बोर्ड, द ग्लोबल एकाडेमी अफ टुरिजम एन्ड हस्पिटालिटी एजुकेसन र भ्वाइस अफ सेफका सदस्यहरुले उनको स्वागत गरेका छन् ।

साह प्यासिफिक एसिया ट्राभल एशोसिएशनको कार्यक्रममा मुख्य वक्ताका रुपमा सहभागी हुन नेपाल आएका हुन् । उनी दुई महिना नेपालमा बस्नेछन् । यसक्रममा साहले नेपालको विभिन्न भागमा पुगेर आफ्नो नयाँ किताबको लागि रिसर्च गर्ने छन् ।

नेपाली खाना प्रस्तुत गरेर यूके मास्टरसेफ प्रोफेसनलको फाइनलमा पुगेका साहको अहिले विश्वभर चर्चा रहेको छ ।