ओलीले पदमा टाँसिएर गफ दिनु लज्जास्पद : पौडेल

१७ फागुन, काठमाडौं । नेपाली कांग्रेसका नेता रामचन्द्र पौडेलले राजनीतिक विकृतलाई सम्बोधन गर्नेगरी कांग्रेस अघि बढ्न आवश्यक रहेकाे बताएका छन् । प्रतिनिधि सभा विघटन हुनबाट बचेको भन्दै नेता पाैडेलले अब कांग्रेस संयम भएर नै अघि बढ्नुपर्ने बताएका हुन् ।

राजनीति विकृत अवस्थामा पुग्‍न सक्छ त्यस्तो अवस्थामा नेपालको राजनीतिलाई लिकमा कांग्रेसले नै ल्याउने नेता पौडेलले बताए । सत्ता र सडक दुवैमा नेकपा रहको अवस्थाले मुलुकलाई राजनीतिक विकृत अवस्थामा पुग्‍न सक्ने हुनाले कांग्रेस हौसियर अघि बढ्न नहुने पनि उनले बताए ।

आफूले गरेको कार्य असंवैधानिक भनेर अदालतले नै भनिदिएपछि पनि पदमा टाँसिएर प्रधानमन्त्री केपी ओलीले गफ दिनु  लज्जास्पद रहेकाे नेता पाेडेलले बताएका छन् ।