प्रधानमन्त्री केपी ओली आज फेरि मोरङ जाँदै

१८ फागुन, काठमाडौं । प्रधानमन्त्री केपी ओली आज फेरि मोरङ जाँदै छन् । मंगलबार दिउँसो उनी मोरङको उर्लाबारी हुँदै झापासम्म पुग्ने कार्यक्रम रहेको प्रधानमन्त्रीको निजी सचिवलायले जनाएको छ ।

मोरङको उर्लाबारीमा प्रधानमन्त्री ओलीले एकिकृत सन्थाल बस्तीको उद्घाटन गर्ने कार्यक्रम छ । त्यसपछि उनी सोझै झापा जाने कार्यक्रम रहेको उनको सचिवालयले जनाएको छ । त्रिभुवन अन्तराष्ट्रिय विमानस्थलका अनुसार प्रधानमन्त्री ओली बिहान ११ बजे यति एयरलाइन्समार्फत विराटनगर जाने भएका हुन् ।

‘प्रधानमन्त्री आज मोरङ र झापा जाने कार्यक्रम भएकाे प्रधानमन्त्रीका प्रेस सल्लाहकार  सुर्य थापाले बताए । थापाका अनुसार केही   कार्यकर्ता भेटघाट र प्रशिक्षणको कार्यक्रम आज रहेकाे छ ।  प्रधानमन्त्री ओली दुई दिनअघि मात्रै झापा पुगेका थिए ।

हिजो उनी पोखरा पुगे । आज फेरि मोरङ हुँदै झापा पुग्न लागेका हुन् । प्रतिनिधि सभा पुनःस्थापना भएपछि प्रधानमन्त्री ओली शिलान्यास कार्यक्रममा केन्द्रित हुन थालेका छन् ।