मुख्यमन्त्री राईविरुद्धको अविश्वास प्रस्तावमाथिको छलफल २ हप्तापछि

१९ फागुन, विराटनगर । प्रदेश १ सभाको भोलि बस्ने भनिएको बैठक सरेको छ । हिउँदे अधिवेशनको फागुन २० गतेका लागि तय भएको चौथो बैठक सरेको संसद् सचिवालयले जनाएको छ । सचिवालयकाअनुसार अर्को बैठक चैत २ गते दिउँसो साढे १२ बजे बस्नेछ ।

फागुन ९ गते प्रदेशसभा बैठकमा अविश्वास प्रस्ताव पेश हुनेवित्तिकै सभामुख प्रदीपकुमार भण्डारीले फागुन २० गतेसम्म बैठक स्थगित गरेका थिए । बैठक बस्ने एक दिनअघि प्रदेशसभा सचिवालयले सूचना टाँस गरेर चैत २ गतेसम्मलाई सारेको हो ।

मुख्यमन्त्री शेरधन राईविरुद्ध नेकपाकै प्रचण्ड माधव समूहले पुष १२ गते अविश्वास प्रस्ताव पेश गरेको थियो । तर उक्त प्रस्तावमाथि अहिलेसम्म छलफल भएको छैन ।