अब त्रिविको परीक्षामा सीसी क्यामेरा

२० फागुन, काठमाडौं । त्रिभुवन विश्वविद्यालयले आफ्नो परीक्षा केन्द्रमा सीसी क्यामेरा राख्ने भएको छ । त्रिविको परीक्षा नियन्त्रण कार्यालयले परीक्षा केन्द्रमा चैत २० गतेभित्र सीसी क्यामेरा जडान गर्न निर्देशन दिएको छ ।

यदि परिक्षा केन्द्रहरुले उक्त निर्देशन अनुसार सीसी क्यामेरा जडान नगरे परीक्षा केन्द्रलाई आगामी दिनमा परीक्षा सञ्चालन गर्न नदिने चेतावनीसमेत केन्द्रले दिएको छ । सीसी क्यामेरामा परीक्षा सञ्चालन कक्ष, उत्तरपुस्तिका शीलबन्दी गर्ने कक्ष र प्रवेवशद्वारको सम्पूर्ण दृश्य देखिनुपर्ने र कम्तीमा डेढ महिनासम्म रेकर्ड गर्न मिल्ने हुनुपर्ने पनि परीक्षा नियन्त्रण कार्यालयको भनाइ छ ।

नियमित परीक्षालाई विश्वसनीय तथा व्यवस्थित बनाउने उद्देश्यले परीक्षा केन्द्रमा सीसी क्यामेरा जडान गर्न लागिएको परीक्षा नियन्त्रण कार्यालयले जनाएको छ ।