आजबाट चलचित्र गोर्खे हलमा, कथामा गोर्खाली सैनिककाे संघर्ष

२१ फागुन, काठमाडाैं ।  चलचित्र ‘गोर्खे’ आजबाट हलमा लागेको छ । यो चलचित्रले गोर्खाली सैनिकहरुको कथालाई उठान गरेको छ । चलचित्र प्राविधिकहरुले मिलेर निर्माण गरेका हुन् ।

किम्मत गौतमको निर्देशनमा तयार भएको यो चलचित्रमा रविन्द्र प्रताप सेन, अन्जली अधिकारी, अर्जुन गुरङ, एन्जल श्रेष्ठ, आश्मी लामा, आश्मी श्रेष्ठ लगायतका कलाकारको अभिनय छ ।

कोजु इन्टरटेन्मेन्टको ब्यानरमा निर्माण भएको यो चलचित्रका प्रस्तुतकर्ता हरि लामा हुन् । चलचित्रमा तिर्थ राम कोजु, हरि थापाको लगानी छ ।गोर्खाली सैनिक बन्नका लागि संघर्ष गरिरहेका ५ जना यूवाहरुको कथालाई चलचित्रले उठाएको छ ।

यो चलचित्रमा काजी लिम्बुको कथा, हिमाल केसीको एक्सन, सौरभ लामा र निरज कँडेलको छायांकन, मित्र डी गुरुङको सम्पादन, छिन्दु पाख्रिन र हरि लम्सालको संगीत छ ।यो चलचित्रलाई मल्टिप्लेक्समा पनि राम्रो शोज उपलब्ध छ ।