दाहाल–नेपाल समूहको पत्र संसद सचिवालयद्धारा दर्ता गर्न अस्वीकार

२३ फागुन, काठमाडाैं ।  नेकपाको दाहाल–नेपाल समूहले संसदीय दलको नेता पुष्पकमल दाहाल ‘प्रचण्ड’ रहेको जानकारी सहितको पत्र संसद सचिवालयल दर्ता गर्न अस्वीकार गरेको छ। दाहाल र नेपाल आफू पक्षका सांसदसहित दलको नेतामा प्रचण्ड निर्वाचित भएको पत्र लिएर संसद सचिवालय गएका हुन्।

तर महासचिव गौतमले नेकपा औपचारिक रुपमा विभाजन भएको जानकारी सचिवालयलाई नभएको भन्दै अभिलेख राख्न अस्वीकार गरेको थिए । महासचिवले दर्ता गर्न नमानेपछि वातावरण अली तनावपूर्ण भएको थियो ।

सचिवालयको व्यावहार न्यूनतम जिम्मेवारसमेत नभएको भन्दै उक्त समूहका संसदीय दलका सचेतक देव गुरुङले आपत्ति जनाए ।
महासचिव गौतम र नेताहरुबीच विवाद भएकाले अहिले दर्ता भएको छैन । तर नेताहरु कार्यकक्षबाट बाहिरिए लगत्तै महासचिव गौतमले सचिवालयका सचिवहरुलाई बोलाएर बैठक गरिरहेका छन् ।