आर्मीविरुद्ध १५५ रनमै समेटियो मेयर्स–११, सन्दीपको हिर्काए ३७ रन

२४ फागुन, काठमाडौं । काठमाडौंमा जारी मेयर कप एकदिवसीय क्रिकेट प्रतियोगितामा काठमाडौं मेयर्स(११ टिमले त्रिभुवन आर्मी क्लबलाई १ सय ५६ रनको लक्ष्य दिएको छ ।

कीर्तिपुरस्थित त्रिवि क्रिकेट मैदानमा टस हारेर ब्याटिङको मौका पाएको मेयर्स-११ ले ४२.१ ओभरमा सबै विकेट गुमाएर १ सय ५५ रन बनायो ।

उसका लागि सौरभ खनालले ७३ बलमा दुई चौका र दुई छक्कासहित सर्वाधिक ४७ रन बनाए ।

त्यस्तै, सन्दीप रजालीले ३७, खडक बोहराले १९, हरिशंकर साहले १८ रनको योगदान दिए ।

कप्तान सन्दीप लामिछाने आज १३ रनमै आउट भए । उनले आज १८ बलको सामना गर्दा २ चौकाको मद्दतमा १३ रन मात्र जोड्न सके ।

पहिलो खेलमा आइतबार बागमती प्रदेशविरुद्ध सन्दीपले २० बलका ६ छक्काको मद्दतमा ४२ रनको पारी खेलेका थिए ।

बलिङमा आज साहब आलमले चार, जितेन्द्र मुखियाले तीन, सोमपाल कामी, बिक्रम सोब र कुशल मल्लले एकएक विकेट लिए ।

जारी प्रतियोगितामा आर्मीले पहिलो खेलमा हारको सामना गरेको थियो । आर्मी पहिलो खेलमा नेपाल एपीएफ क्लबविरुद्ध एक विकेटले पराजित भएको थियो ।

सन्दीप लामिछाने नेतृत्वको मेयर्स–११ ले भने पहिलो खेलमा बागमती प्रदेशलाई ९४ रनले हराउँदै उत्कृष्ट सुरुवात गरेको छ ।

मेयर्स–११ के प्लेइङ ११ः हरिशंकर साह, खडकबहादुर बोहरा, बिपिन रावल, सन्दीप रजाली, कृष्ण कार्की, सिद्धान्त लोहनी, सौरभ खनाल, सन्दीप लामिछाने (कप्तान), नारायण जोशी, बिपिन खत्री र खनिल खरेल ।

आर्मीको प्लेइङ–११ः सोमपाल कामी, लोकेश बम, भीम सार्की, रोहितकुमार पौडेल, विनोद भण्डारी (कप्तान), कुशल मल्ल, राजेश पुलामी, करण केसी, बिक्रम सोब, जितेन्द्र मुखिया र साहब आलम ।