बारामा सुतिरहेको बेला युवकको घाँटी रेटी हत्या

२५ फागुन, बारा । बाराको निजगढमा एक जना युवकको घाँटी रेटी हत्या गरिएको छ । बाराको निजगढ नगरपालिका वडा नम्बर ९ का १९ वर्षीय युवक काले भनिने रोहित शर्माको घाँटी रेटीएको अवस्थामा उनकै घरमा शव फेला परेको बारा प्रहरीले जनाएकाे छ ।

मृतक शर्मा घरमा एक्लै सुतिरहेको बेलामा धारीलो हतीयार प्रहार गरी शर्माको हत्या गरीएको  प्रहरी जनाएकाे छ ।  उनी पेन्टरको काम गर्दथे । प्रहरी घटनास्थलमा पुगेर अनुसन्धान सुरु गरेको छ । अनुसन्धानका लागि विशेष तालिमप्राप्त कुकुर पनि झिकाइएको जिल्ला प्रहरी कार्यालय बाराले जनाएको छ ।

निजगढ नगरपालिकामा पनि रहेको आफ्नै घरमा बस्दै आएका शर्माको  दुई तले घरको तल्लो तलामा खाजा पसल छ । माथिल्लो तलामा उनी एक्लै बस्दै आएका थिए ।

मंगलबार बिहान खाजा पसल खोलेकाहरुले माथिल्लो तलामा हल्लाखल्ला सुनेको र कोही व्यक्ति भर्याङबाट ओर्लिएर बाइक स्टार्ट गरेर भागेको देखेको बताएका छन् । सो सूचनापछि घटनास्थलमा पुगेको प्रहरीले माथिल्लो तल्लामा रोहितको मृत शरीर फेला पारेको थियो ।