मेयर कपः यी खेलाडीले लिए ७ विकेट

२५ फागुन, काठमाडौं । काठमाडौंमा जारी मेयर कप एकदिवसीय क्रिकेट प्रतियोगिताअन्तर्गत त्रिभुवन आर्मी क्लबविरुद्ध नेपाल पुलिस क्लब तीन विकेटले विजयी भएको छ ।

आर्मीले दिएको ८८ रनको लक्ष्य पुलिसले १८.३ ओभरमा सात विकेट गुमाएर भेट्टायो । उसका लागि सुनिल धमलाले ३९ र पवन सराफले अविजित २२ रनको योगदान दिए ।

बाँकी ब्याट्सम्यानले भने दोहोरो अंकमा समेत रन जोड्न सकेनन् । बलिङमा स्पिनर साहब आलम एक्ललै सात विकेट लिए । उनले ९ ओभरमा एक मेडनसहित ४७ रन दिएर सात विकेट लिएका हुन् ।

त्यसअघि, मूलपानी क्रिकेट मैदानमा टस जितेर पहिला ब्याटिङ गरेको आर्मी ३०.१ ओभरमा ८७ रनमै अलआउट भयो ।

उसका लागि लोकेश बमले ३२, बिक्रम सोबले १४ र रोहितकुमार पौडेलले १३ रन बनाए । बाँकी ब्याट्सम्यानले भने दोहोरो अंकमा समेत रन जोड्न सकेनन् ।

पुलिस क्लबका सागर ढकाल र पवन सराफले घातक बलिङ गरे । सागरले १० ओभरमा दुई मेडनसहित ४० रन दिएर पाँच र पवनले १० ओभरमा पाँच मेडनसहित १४ रन दिएर तीन विकेट लिए । त्यस्तै, ललित राजवंशीले दुई विकेट हात पारे ।

जारी प्रतियोगितामा पुलिसको यो दोस्रो जित हो । आर्मीको भने यो दोस्रो हार हो ।