शिवरात्रिमा मनिषाको ‘महामृत्युञ्जय’ भजन सार्वजनिक हुँदै

२६ फागुन, काठमाडौं । नेपाली मुलकी बलिउड अभिनेत्री मनीषा कोइरालाकाे शिवरात्रिको अवसरमा ‘महामृत्युञ्जय’ भजन सार्वजनिक हुने भएकाे छ ।  केही दिन अगाडि उनकै स्वरमा रेकर्ड भएको यो भजन नेपाल तथा भारतमा एकसाथ सार्वजनिक हुने बताएको छ । कोइरालाको स्वरमा रेकर्ड भएको यो पहिलो गीत (भजन) हो ।

भजन सांगीतिक समुह ‘सुरसुधा’सँगको सहकार्यमा कोइरालाले भजन ल्याउन लागेकी हुन् । जसको जानकारी उनले बुधबार एक ट्वीट मार्फत गराएकी छन् । ट्वीटमा उनले भजनको सार्वजनिक र सहकार्यबारे जानकारी दिएकी छन् ।

सुरसुधाका तबलाबादक सुरेन्द्र श्रेष्ठले महामृत्युन्जय मन्त्रलाई आफैंले संगीतबद्ध गरेर तयार गरेका हुन् । भजनमा अभिनेत्री कोइरालासहित सुरसुधाकै गायिका सरस्वती खत्री तथा तबलाबादक श्रेष्ठको पनि स्वर रहेको छ ।

It’s absolutely my honour to recite #mahamrityunjay with one of the finest musical band #sursudha.. we are launching it tomorrow and very excited that reputed @timesmusic would partner us??? pic.twitter.com/OZ4aueigXM

— Manisha Koirala (@mkoirala) March 10, 2021

भजनको म्युजिक भिडियो भोली एक कार्यक्रमका बीच सार्वजनिक गर्ने योजना बनाइएको छ । साढे चार मिनेट लामो भजनमा कोइरालाको स्वरमा मन्त्र पाठ तथा गायन समेटिएको छ ।