चलचित्र ‘नाई नभन्नु ल ६’ को सिरिजबाट बाहिरिन वर्षा

२७फागुन,काठमाडौं । चलचित्र ‘नाई नभन्नु ल ६’ को सिरिजबाट वर्षा राउत हटेकी छिन् । विकासराज आचार्यको निमार्णमा चलचित्र बन्ने तयारीमा रहेको छ । उक्त चलचित्रका लागि अहिले मुख्य नायिका खोजिरहेका छन् ।

निर्माता विकासराज आचार्यले भने वर्षासँग काम गर्न सहज लागेपनि कथा अनुसारको कलाकार खोजेको बताएका छन् । यसपटक छैटौं सिरिजमा चौथो सिरिजको क्लाइमेक्सको दृश्य पनि समावेश हुने भएकाले वर्षालाई राख्न नमिलेको उनले बताएका छन् । चौथो सिरिजको क्लाइमेक्समा वर्षा नै रहेको र सोही कलाकारलाई दर्शकले छैठौं सिरिजमा सही नहुन सक्ने भन्द वर्षालाई हटाएको हो ।

आचार्यका अनुसार सेड्रिना ठूली भएपछिको भूमिकामा अभिनय गर्ने कलाकार ‘नाई नभन्नु ल ६’ को सिरिजमा चाहिएको छ । त्यसैले कथा सुहाउँदो कलाकार खोजि भइरहेको हो ।

सामिप्यराज तिमिल्सिना र विकासराज आचार्यको लेखनमा तयार भैरहेको यो चलचित्रमा अनुभव रेग्मी पनि मुख्य भूमिकामा रहनेछन् ।